Tattoo (ဆေးမှင်ကြောင်) လို့ခေါ်တဲ့ ကိုယ်ခန္ဒာပေါ်မှာ ဆေးရောင်စုံနဲ့ အရုပ်တွေ ပန်းချီတွေ ခံစားချက် ယုံကြည်ရာ စာသား အမျိုးမျိုးကို ရေးထိုးတဲ့ အရာကို ထူးထူးခြားခြား သဘောကျပါတယ်။ ကိုယ်တိုင်က မထိုးရပေမယ့် သူများတွေ ထိုးထားရင်တော့ အဲ့ဒိ ထိုးထားတဲ့သူများ လမ်းမှာ မတော်တဆ တွေ့လိုက်ရင် မျက်တောင် မခတ်တမ်း လိုက်ကြည့်တတ်ပါတယ်။ ဟီးရိုးကြီး တစ်ယောက်လိုလိုနဲ့ အားတွေကျ တတ်ပါတယ်။ အထူးသဖြင့် မိန်းကလေးများ တက်တူး ထိုးထားတာတွေ့ရင် တော်တော် သတ္တိရှိတာပဲလို့ ဘယ်သူများပါလိမ့် ဆိုပြီး အဲ့ဒိ မိန်းကလေး မျက်နှာကို မရရအောင် လိုက်ကြည့်တတ်သေးတယ်။ မှတ်မှတ်ရရ အနေနဲ့တော့ တစ်ခါက အသားဖြူဖြူ ပိန်ပိန်သေးသေး မိန်းကလေး တစ်ယောက်က လည်ပင်း ကျယ်ကျယ် ရင်လျားလို ဂါဝန်ကို ဝတ်ပြီး စားသောက်ဆိုင်ထဲ ဝင်လာတာကို အမှတ်တမဲ့ပဲ တွေ့လိုက်ရတယ်။သြော်.. ချောတယ်ပေါ့.. လို့ ကြည့်ရင်းနဲ့က ကိုယ့်ရှေ့ကို ကျော်သွားတော့မှ သူ့နောက်ကျောမှာ ကုက္ကိုင်ပင်ကြီးတစ်ပင် တင်ထားတဲ့အတိုင်း တက်တူးကြီးကို ထိုးထားတာတွေ့လိုက်ရတော့ ကြိုက်တာထက် ကျော်ပြီး ကြက်သီးများပင် ဖျန်းတက်သွားသေးခဲ့တာ မှတ်မိပါသေးတယ်။ ရှုခင်း တစ်ခုကို သူ့ကျောမှာ မြင်လိုက်ရသလိုပါပဲ။ အတော်လည်း သတ္တိရှိတယ်လို့ ယူဆမိပါတယ်။ တချို့ကတော့ ကြိုက်ချင်မှ ကြိုက်မှာပေါ့နော်။ ကိုယ်သဘောကျလို့ သိချင်တာတွေလည်း ရှိလို့ အဓိပ္ပာယ်ရှိတဲ့ တက်တူးတွေ အကြောင်းကို ဖတ်ပြီး ဘာသာပြန်ကာ ပြန်ဖော်ပြလိုက်ပါတယ်ရှင်။ မတော်တဆ အမှားများ ပါရင် ခွင့်လွှတ်ပေးပါရန် တောင်းပန်လိုက်ပါတယ်။
Polynesians tattoos
Polynesians tattoos ဟာသမိုင်းကို လေ့လာသူများ အတွက် စိတ်ဝင်စားစရာ ကောင်းတဲ့ အရာ တစ်ခုလည်း ဖြစ်ပါတယ်။ ဘာဖြစ်လို့လဲ ဆိုတော့ သူ့ရဲ့ နောက်ကွယ်မှာ နှစ်ပေါင်း ထောင်ချီ ကြာနေပြီ ဖြစ်တဲ့ သမိုင်းဝင် ဇာတ်လမ်းများ ရှိနေလို့ ဖြစ်ပါတယ်။ ဒီ ဆေးမှင်ကြောင်တွေနဲ့ ပုံစံနဲ့ ဒီဇိုင်းရဲ့ နောက်ကွယ်မှာ အလွန် စိတ်ဝင်စားဖွယ်ရာ ကောင်းတဲ့ သမိုင်း နောက်ကြောင်းတွေ ရှိနေပါတယ်။ Polynesians tattoos မှာ ပုံစံနှစ်မျိုး ရှိပါတယ်။ ပထမ ပုံစံကိုတော့ Etua လို့ခေါ်ပါတယ်။ သူက ဘာသာရေးနဲ့ ပရလောက (ဝိညာဉ်ဆန်ဆန်) ထင်ရှားတဲ့ အမှတ်အသား တစ်ခု ပုံစံ ဖြစ်ပါတယ်။ ဒီ tattoos အမျိုးအစား ထဲမှာတော့ ထူးခြား ဆန်းပြားတဲ့ မျက်လှည့် သင်္ကေတ ပုံမျိုးကို အသုံးပြုလေ့ ရှိပါတယ်။ အဓိပ္ပာယ်ကတော့ ဘုရားသခင်ရဲ့ ကာကွယ်စောင့်ရှောက်မှု အောက်မှာ ရှိနေပါတယ် ဆိုတာကို ဆိုလိုတာပါ။ ဒုတိယ ပုံစံ တစ်ခုကိုတော့ Enata လို့ခေါ်ပါတယ်။ ဒီပုံစံ အောက်မှာတော့ သဘာဝ ဆန်တဲ့ ဒီဇိုင်းမျိုးကို ကိုယ်ပေါ်မှာ ရေးထိုးခြင်းမျိုး ဖြစ်ပါတယ်။ ဥပမာအားဖြင့် လူတစ်ယောက်ရဲ့ အတွေးအခေါ် အိုင်ဒီယာ စာသားမျိုး၊ သတ်မှတ်ချက် တစ်ခု၊ လုပ်ကိုင်တဲ့ ရာထူး အလုပ်အကိုင်၊ လူတစ်ယောက်ရဲ့ မွေးရပ်မြေ၊ လူတစ်ယောက်ရဲ့ ဘဝ နောက်ကြောင်းကို ဖော်ပြတဲ့ ပုံမျိုး သို့မဟုတ် စာသားမျိုး ကို ရေးထိုးခြင်းမျိုး ဖြစ်ပါ တယ်။ ယေပူယျ အားဖြင့်တော့ Polynesian tattoos ဆိုတာ ဘုရားသခင်ထံမှ စွမ်းအားများ ရရှိခြင်း၊ အောင်မြင်မှုများ ရရှိခြင်း၊ ကောင်းချီးများ ရရှိခြင်း ဆိုတဲ့ အနှစ်သာရကို အဓိပ္ပာယ် ဖော်ဆောင် ပါတယ်။
(Polynesian = ပစ္စဖိတ် သမုဒ္ဒရာထဲက ကျွန်းစုတစ်စုမှာ နေထိုင်တဲ့ လူမျိုးစုတစ်စု)
Tiki
Tiki ဆိုတာ ကျွန်းစု လူမျိုးများရဲ့ ပုံသဏ္ဍန် တက်တူးမျိုး ဖြစ်ပါတယ်။ သူ့ရဲ့ ဒီဇိုင်းဟာ လူ့ခန္ဒာကိုယ်ပုံစံ ပေါ်အောင် စောက်ထွင်းထားတဲ့ ပန်းပုရုပ် တစ်ခုလိုပါပဲ။ သူတို့ကို လူသားများ စတင် ဖြစ်ပေါ်လာမှုကို ကိုယ်စားပြုတယ်လို့ ယူဆကြတယ်။ နောက်ပြီး မိမိကိုယ်ထဲမှာ မကောင်းတဲ့ အရာများ မကောင်းတဲ့ စွမ်းအားများကို မောင်းထုတ်နိုင်တဲ့ အစွမ်း ရှိတယ်လို့လည်း ယုံကြည်ကြတယ်။ များသောအားဖြင့် သူတို့ ဒီဇိုင်းဆွဲတဲ့ အခါ မျက်လုံးမှိတ်ထားတဲ့ ပုံမျိုးကိုသာ အနုပညာ လက်ရာ မြောက်မြောက် ပြုလုပ်လေ့ ရှိပါတယ်။ သူ့ရဲ့ အဓိပ္ပာယ် ကတော့ ဒုက္ခ အန္တရာယ်ကို ရဲရဲရင့်ရင့် ရင်ဆိုင်နိုင်တဲ့ အစွမ်း ရှိတယ်လို့ ဆိုပါတယ်။
Sharks and Their Teeth
Turtles
Geckos
Shells
အခွံ ပုံသဏ္ဍန် တက်တူး ဒီဇိုင်း ဖြစ်ပါတယ်။ ရှေးခေတ်တုန်းက ဒီလို အခွံတွေကို ပိုက်ဆံ အဖြစ် အသုံးပြုခဲ့ကြတယ်လို့ ယူဆခဲ့ကြတယ်။ ဒါကြောင့် ဒီလို အခွံ ပုံစံ တက်တူးမျိုးက လူကြိုက်များလာခဲ့ပါတယ်။ ဒီတက်တူးမျိုး ထိုးထားသူဟာ ချမ်းသာ ကြွယ်ဝခြင်း၊ ကံကောင်းခြင်း၊ ကောင်းချီးများနှင့် ခံစားရခြင်းမျိုး ပိုင်ဆိုင်မယ် ဆိုတဲ့ အဓိပ္ပာယ်မျိုးကို ဆောင်ပါတယ်။
Reference: http://www.buzzle.com/articles/polynesian-tattoo-meanings.html
0 comments:
Post a Comment
Note: Only a member of this blog may post a comment.